Thursday, January 11, 2018

བོན་གྱི་འདུ་གནས་སོ་བདུན།



རྩོམ་པ་པོ། ཨ་ དཔལ་བཟང་།

གཡུང་དྲུང་བོན་གྱི་སྒྲ་བསྒྲགས་ལས། དེ་ཡང་འདུ་གནས་སོ་བདུན་གྱི་ས་རྣམས་གང་ཡིན་བཞེད་ན། བླ་ཆེན་དྲ་ན་པས་ཞལ་བཞེད་ལྟར་དབུས་ན་ཉི་ཤུ་ཐམ་པ། གཙང་ན་བཅུ་བདུན་ཏེ་སུམ་ཅུ་རྩ་བདུན་ལ།

སྨན་རིའི་དཀར་ཆག་བསྡུས་པ་པད་མ་བཞད་པའི་ཚལ་ཆེན།



སྐུ་མདུན་བསོད་ནམས་བློ་གྲོས་སམ། མཁན་ཆེན་ཤེས་རབ་དགོངས་རྒྱལ།

༄༅།། །།ཨཱོྃ་སྭཏི། ཨེ་མ་ཧོ། མ་གཡོས་བདེ་ཆེན་རྒྱལ་པོ་ཀུན་ཏུ་བཟང། མ་སྐྱེས་རང་འབྱུང་ལོངས་སྤྱོད་རྫོགས་པའི་སྐུ། མ་འགག་རྩལ་ཆེན་སྤྲུལ་སྐུ་འཕྲིན་ལས་ཅན། མ་བཅོས་ལྷུན་གྲུབ་སྐུ་གསུམ་སངས་རྒྱས་བསྟོད། ངོ་མཚར་གྲངས་མེད་རྒྱན་པའི་སྨན་རི་ཡི། དཀར་ཆགས་པད་ཚལ་བཞད་པའི་ལྟད་མོ་འདི། གུས་ལྡན་བསོད་ཅན་རྣམས་ཀྱི་གཟིགས་པའི་ཚེ། མདངས་ལྡན་དབྱར་རྔ་ཐོས་པས་དགའ་སྤྲོ་ཆེ། ཡུལ་ཆེན་བཅོ་བརྒྱད་ཡུལ་གྱི་སྙིང་པོ་ཡི། མཆོག་ཐུན་གྲུབ་གནས་དཔལ་ལྡན་སྨན་རི་འདི། འཛམ་གླིང་ཉེར་ལྔ་ཡུལ་གྱི་གཙོ་བོ་དང། གངས་ཆེན་བོད་ཀྱི་ལྟེ་བ་ཡིན་པའི་ཕྱིར། མདུན་དུ་ཡུལ་ཆེན་བྱ་བའི་གྲོང་ཞིག་ཡོད། གཡོན་ན་ཏི་སེ་ཕ་བོང་བྱ་བ་ཡོད། རིག་འཛིན་མཁའ་འགྲོའི་ལུང་ལ་ཡང། ཡུལ་ཆེན་བཅོ་བརྒྱད་ཡུལ་གྱི་སྙིང་པོ་ཞེས་དང། མཆོག་ཐུན་གྲུབ་གནས་དཔལ་ལྡན་སྨན་རི་ཞེས་པའི་གཞུང་འདི་ནས་བྱུང།

Tuesday, January 2, 2018

༸སྐྱབས་རྗེ་སྨན་རིའི་ཁྲི་འཛིན་ ༣༤ པ་མཆོག་གི་མཛད་རྣམ་སྙིང་བསྡུས།

ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་ ༣༤ པ་མཆོག་ནི། གཤེན་གྱི་འབྱུང་ལྡན་སུམ་བརྒྱ་དང་གཅིག་གི་བོད་ཆུ་ཕོ་བྱི་བའི་ལོ་སྟེ། ཕྱི་ལོ་ ༡༩༧༢ ཟླ་བ་ ༡༡ ཚེས་ ༢༩ ཉིན་བོད་མདོ་སྨད་ཟིང་ཆུ་རྫོང་དགའ་མལ་གཡུང་དྲུང་དར་རྒྱས་གླིང་གི་ལྷ་སྡེ་མ་ཡོན་སྡེ་བའི་ཕྱུག་ཕྲུག་ཚང་ཞེས་པ་རུ་ཡབ་དཔལ་ཡོན་འབུམ་གསལ་དང་ཡུམ་ཀླུ་གཡང་ཕྱུག་མོ་གཉིས་ཀྱི་སྲས་སུ་འཁྲུངས་ཤིང་སྐུ་ན་གཞོན་དུས་ཀྱི་མཚན་ལ་ནོར་བུ་བསམ་འཕེལ་ཞེས་ཞུ།
དགུང་གྲངས་ལྔ་བཞེས་ཐོག་ས་གནས་ཉིན་སློབ་ཏུ་ཕེབས་ནས་ཡི་གེ་ཀ་ཁ་འབྲི་ཀློག་སོགས་ཐོག་མར་བསླབ་གནང་། དགུང་གྲངས་བརྒྱད་ནས་གདན་ས་གཡུང་དྲུང་གླིང་གི་དགེ་བཤེས་སྒྲ་ཏོག་དཔལ་ཆེན་སྐྱབས་མཆོག་གི་མདུན་ནས་སྐྱབས་འགྲོ་འདོན་ཆོག་སོགས་ལ་སྦྱངས་མགོ་བཙུགས།

༸སྐྱབས་རྗེ་སྨན་རིའི་དཔོན་སློབ་རིན་པོ་ཆེས་བོན་འབངས་ཡོངས་ལ་བསྩལ་བའི་བཀའ་སློབ།


གཡུང་དྲུང་བོན་གྱི་གདན་ས་ཆེན་མོ་༸དཔལ་གཤེན་བསྟན་སྨན་རིའི་གླིང་དུ་༸སྐྱབས་རྗེ་རྒྱལ་བ་སྨན་རིའི་མཁན་ཆེན་ཁྲི་འཛིན་ ༣༤ པ་རྟགས་སྒྲིལ་གྱི་དངོས་གཞི་ཉིན་མཐའ་མའི་སྐབས་༸སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་གིས་བོན་འབངས་ཡོངས་ལ་བསྩལ་བའི་བཀའ་སློབ།

Sunday, December 31, 2017

འཚམས་འདྲིའི་ཞུ་མཆིད།

༄༅། །ད་ལན་གསང་གསུམ་བོན་གྱི་མཛོད་འཛིན། ངོ་བོ་རྒྱལ་བ་དང་མཉམ་ཞིང་བཀའ་དྲིན་རྒྱལ་བ་ལས་ལྷག་པའི་དཔོན་གསས། ས་གསུམ་ན་འགྲན་ཟླ་བྲལ་བ་༸སྐྱབས་རྗེ་སྨན་རིའི་ཡོངས་འཛིན་སྨྲ་བའི་དབང་པོ་སློབ་དཔོན་བསྟན་འཛིན་རྣམ་དག་རིན་པོ་ཆེ་མཆོག་དང་། རང་ཅག་རྣམས་ལ་བཀའ་དྲིན་བླ་ལྷག་ཏུ་ཆེ་བ་ཡོངས་ཀྱི་དགེ་བའི་བཤེས་གཉེན་ཆེན་མོ་༸སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག

Thursday, December 14, 2017

༸སྐྱབས་རྗེ་སྨན་རིའི་ཁྲི་འཛིན་ ༣༣ པ་རིན་པོ་ཆེའི་གསུང་བྱིན་ཅན།

མགོན་རྒྱལ་ཀུན་སྤྱི་གཟུགས་དྲིན་ཆེན་རྗེ།།
སྐྱབས་ཀུན་འདུས་རྒྱལ་བ་སྨན་རི་བས།།
གནས་འགྲོ་དྲུག་འདྲེན་པའི་བྱང་ཆོག་གི།།
གསུང་བྱིན་ཅན་སྐལ་ལྡན་གསོས་སུ་སྤེལ།།


དཔལ་ལྡན་དྲིན་ཆེན་རྩ་བའི་བླ་མ་མཆོག་དགོངས་པ་བོན་དབྱིངས་སུ་ཐིམ་ནས་ཟླ་བ་གསུམ་ཟིན་པའི་ཉིན་དྲ་ཐོག་ཏུ་འགྲེམ་སྤེལ་ཞུས།

Monday, November 13, 2017

དད་གདུང་ཀློང་ནས་འཕྱོས་པའི་མྱ་ངན་གྱི་སྐྱོ་དབྱངས།

དགེ་བཤེས་སྨོན་ལམ་མཐར་ཕྱིན།


ཀྱཻ་མ།    མི་མངོན་ནམ་མཁའི་དབྱིངས་ནས་བསྟན་འགྲོ་ལ་གཟིགས་པའི།།
         དུས་གསུམ་ལྷ་གཤེན་ཚོགས་རྣམས་ཐུགས་དམ་ལ་གཡེལ་ལམ།།
         ལྔ་སྙིགས་མུན་པ་སེལ་བའི་ལུང་རྟོགས་ཀྱི་ཉི་མ།།
         ཆུ་ལྷའི་ཕང་དུ་བཞུད་ནས་མུན་སྨག་གིས་གཏིབས་སོང་།།